شئیر واجهین رسول(ص)

واجهین رسول(ص)

پاکیْن نبی احمد گلیْن دل مئے جلا

یادان تئی لهڑیت بدن زوریت کلا

ساه بےتوارهونان دلی کستیگ جان

باپار کنت اشکئےجلان گو همبلا

تو روشنیْن چمّئےمنی زیلیْن شپان

ٹپّیْن دلئے شاهی مَلَم چه آڈلا

ساهئے منی گرمیْن دلئے گدگ و خزان

بےتی دَما دل مئے کُلیت جان تَلتَلا

اشکا تئی زرمبیت جهان کل کلکشان

آواز دلی همشور   بنت ساز  و   نلا

وهد و دمان مستیْن ملنگ ذکرا چمان

ناما تئی سردنت سلام آ دل شلا

هر دو جهانئے واجه و پُل بادشهئے

باهوٹ بدار په دلجمی چہ  هارمَلا

تی خاطرا دنیا نروت کهرئے گرا

هلک و بشر رکّول هدایئے کپچلا

تو رحمتئے ولّئے بَر و وشّیْن ثمر

گواریْن سرا پُلیْن هزام   و  گَنگَلا

آبیار نزانت چونا بکنت مدحا تئی

لچیْن زُبان آزاور انت  سوتکگ جَلا

چهبار؛99/08/13 شمسی

شرم و حیا

شرم و حیا

..................... حسین آبیار

شرم و حیا لڈّت جهان

آبروی و تام بوتَگ نهان

هیلان بدین سردات بیان

گالئے بدل زایِنت عیان

ادامه مطلب...

ادامه نوشته

غزل/حسین آبیار

غـــزل

......................لچّہ کار:حسین آبیار

مهرنگ تئی زلپئے نِوان کوکارَگنت سیہ جمبرے

Mahrang tai zolpay nevān kūkāragent seyh jambarey

چمّئے گَلاننت بےکرار گواریت زمانَگ منترے

Čammay galānant bey karār gowārit zamānag mantarey

ادامه مطلب...

ادامه نوشته

ڈکّال

ڈکّال

..................شائر:حسین آبیار

دلگوْش بِکَن ر پیک و یار /// پہ دلجَمی گوْشان بِدار

مُلک و دَمَگ شهر و دَیار /// ڈکّال بیاتکگ در گُزار

آزمان بخیلنت و نَگوْار /// آپئے بَدل گوْار یت لِوار

مهلوک توامیْن دَر شِزار /// دِهکان گُلیْن گِریْتَگ پہ زار

ادامه مطلب...

ادامه نوشته

غزل/حسین آبیار

غزل/حسین آبیار

.............................
ٹهل و کهیْب تیر گوڈلیْن ماهیْن گُلئے دوستَن مَنا
سوچکیْن حَبَر تژن و شگان روْکیْن مهئے دوستَن منا
بِل تو اِماریْن کیلَگ و پُل ماڑی و شاهی گُدان
اوْشاگ جَلیْن سارتی و بیر کوْہ و گرئے دوستَن منا
آزمودَگ و چَکّاس نَکنت بیهار منی ساهئے رَگان
گیمُرتَگیْن اَرمان و گَم نیلیْن سرئے دوستَن منا
جمبر کُتَگ سیاہ و تِهار ،شهمیت دمان گرند و گروک
زیلیْن شپا پوشت جهان،اَرس جمبرئے دوستَن منا
یاتان تئی بندان دلئے تپ گوارتگ ،تهلنت گلو
زندمانیا ٹِنگے گِران ، شهدان دپئے دوْستن منا
نرمیْن نپاد و گندَلان،بوہ و بُسان من چوْن کنان
کُلّان نگندان بانُکے هاکان دَرئے دوستَن منا
نیْستن سپاہ بُستان و باگ و نیبَگان چمّان منی
سیلا نیاتک پُلّئے نپَس ، کُنٹگ تلئے دوستن منا
مرچی منی بندان دلئے بنجاہ کُتگ درد و گمان
سپتیْن ڈگار گرمیْن ڈلان دشت و بَرئے دوستن منا
آبیار نند یت جاگهے ، اوْدان بِبیت کُلّئے سپاہ
رنج و عذاب، بُرّیْن زهیر ، دوری گلئے دوستن منا
چهبار؛18/09/94 شمسی

پُلّین هزام/حسین آبیار

 

غزل/حسین آبیار

گزل/حسین آبیار

کپتگ سَرُن یک میْتگے ، بے دموَریْن
لاش چوْ منیْن زیادہ بگندئے بےسریْن
مالوم کَنِت ڈالان کٹی مئے آیَگا
همراہ بِبِت لاشان مرو بےبُندَریْن
گوْش مَهگُلا،گواتے دَمیْن،اُوْ دم دیوک
گرمیْن نَپَس سستگ منا ،ساها زَریْن
تهمبُل بِکنت ، یانکہ مَکنت مارا مَروْ
شهدنت پَری ، کپتَگ مکسکے بزگریْن
هچکس نبیت مالوم منی عیبان چدان
بید آ نپر ، بندان بکپتگ ڈنگریْن
آبیار مکن گیشتر حبر ، ماهیْن زانت
عمرے شُتگ دان آ سرا ، ٹاگار وڑیْن
چهبار؛23/12/93شمسی

نعت رسول(ص) شعری از مولوی روشندل

نعت سید المرسلین(ص)

ای  سَروَر ذی احترام ،ای صاحب  عزّ  و مقام      مدح تو گویم صبح و شام،ازما به تو صدها سلام

ای  کان  اخلاق  و  ادب ، ای  سید  والا  نسب        ماه  جهانتاب  عرب ، از ما  به تو صدها سلام

تو  شمع  بزم  مرسلان ، تو مقصد خلق  جهان       وصف تو ناید بر زبان، از ما به تو صدها سلام

ای آبروی کاینات ، روشن  زرویت شش جهات        در مدح  تو گویا نَبات، از ما به تو صدها سلام

تو دلربا  تو  مه  جَبین ، تو  رهبر دنیا  و  دین      ای برتر ازعرش بَرین، از ما به تو صدها سلام

مهر ومه از تو مستنیر،کوران زفیض تو بصیر        ای  قاصدِ  ربِّ  قدیر، از ما به تو صدها سلام

من عاشقِ  روی  تواَم ، سر  گشته  کوی  تواَم       در  بند  آبروی  تواَم ، از ما به تو صدها سلام

ای  پیکرِ  احسان  و جود ،  محبوب  اللهِ  وَدُود        مثل تو ناید در وجود ، از ما به تو صدها سلام

ای  شافعِ   روز  جَزاء  ،  ای   پیشوایِ  انبیاء     ای  منبَع  نور و ضیاء، از ما به تو صدها سلام

دارد «محمد»  افتخار ،  چون  آمده  همنام  یار     گوید به هر لیل و نهار، از ما به تو صدها سلام

شعری از مولانا محمد روشندل

 

 

 

معانی بتل همراه با توضیح مختصر1

کومَیْ زُبان کـﮧ شُت هچ نمانیت

منظور از این ضرب المثل: 1- اهمیت زبان مادری؛قومی که زبان و فرهنگ خود را فراموش کند و زبان های بیگانه را جایگزین کند فرهنگ و سند آن قوم باطل می شود.2- یک زبان و قوم زمانی می میرد ،مردم آن زبان را فراموش کنند. 3- اگر به کسی قول دادی باید به پایش واستی. یعنی قول و اقرار مساوی با مرگ و نابودی است.

 

 

شعر ملا فاضل

درپشوکیْن سُهَیْل

باغـانـی    کـبودر   سبزیْن        طوطی زیمل و وش لفظیْن

احـوالان    بِـبَــر   وشّیْنان        خـطّـانان     قَلــم    کشّیْنان

اسـراران    مُـراد بخشینان         بندِش    بانزُلان    نقشیْنان

در ادامه مطلب...

ادامه نوشته

بهارگاه

نوکین بهار

بوت  بهار  آشکار   در  کپت   ڈنا

کت   هزام   بیدار   در  کپت   ڈنا

در ادامه مطلب بخوانید.../**/

ادامه نوشته

شعری از ایوب ایوبی

بلوچانی زبانیْ سال روچ

تـَوار  و  لذ ّتانی  گــَـرد  و هاکــَـه

بلوچانی  گــُلیْن   کَندَگْ  پَه  جاکـَه

در ادامه مطلب بحوانید...

ادامه نوشته

شعری از ملا فاضل

شعر/ ملا فاضل

مهتری   اقراریْ  کتگ من  گوْن  دلبرا

اینچو  که  بی بی ماهوا  کت گون اوْمرا

بی بی   بلقیسا    گون  سلیمان  پیغمبر ا

قندهار  باگین  شه  سلیمَت  گوْن  پیکر ا

در ادامه مطلب بخوانید...

ادامه نوشته

شعر از حسین آبیار

حسین آبیار/غزل2

آچشی   آهان   باڈلا   سوچنت

پر زبان کاینت کل دپا سوچنت

په شپیْ  و هدا  آ  دلیْ  پریات

مه سرا بُرز بنت کوکبا سوچنت

در ادامه مطلب بخوانید...
ادامه نوشته

مستاگ کزوری

مستاگ

ملا کریمداد کزوری

مستاگ   بامسار   پیامان   بیا   به   گوش

هالی به گر چه دوستا وسلامان بیا به گوش

دیرِنت که چم وچاران و نندان تئی رهسرا

دل کپتگ تئی زهیران هالان  بیا به  گوش

در ادامه مطلب بخوانید...
ادامه نوشته

شعری از سید ظهورشاه هاشمی

سید ظهورشاه هاشمی
بــیــا  پـَــدا  شـتــکین  تلارانی  دلان  دِرّان کنین
گـــران بـھـائـیـن دوسـتـی و مھرا پدا ارزان کنین

در ادامه مطلب بخوانید...

ادامه نوشته

شعر قلم مولانا روانبد

قلم

قلم  بیا  لولو  انگیْزیْن  گُهر  گوْار

نگارانی   طراز   بندیْن  رقم  کار

سفید  و  سادهیْن  گُل  کاغذا  بیار

لکیران رند و قرطاسان به سینگار

بکش  سنجیدهیْن   سطران  بکتّار

حروفان  رد  بکن  چوْ دُرّ  شهوار

کنن   وصفِ   رُخِ   دلدارِ   عیّار

ادامه نوشته

شعری از سید ظهورشاه هاشمی

سید هاشمی

پدا  برگشتگـَنت  شپ  ماهکانی
پدا  یات آتکگ  مهرنگیْن دنانی
من زانان گوات چه ما کلـّا شگوستجگ
دو روچنت بوِینت  هیرو پوپلانی
سر و چمّان انت آس وانگرین چمّ
که  سوگاتَنت    بیْ وابـیں  شپانی

در ادامه مطلب....

ادامه نوشته

شعری از عابد آسکانی

عابد آسکانی

شکّل و شیران  گوْن  نیاتکیْ تو

پوپل و هیران  گوْن  نیاتکیْ  تو

بوْد کیت  دل مَیْ  تُستَگیْن چنچو

مسک وامبیران گوْن نیاتکیْ تو

دزگـُهار درّتکـَنْت  تهی  ماهیْن

سیری سرگیران گوْن نیاتکیْ تو

په ترا  اوهنگیْن  دلُن  پیسکیت

گو ڈلیْن تیران  گوْن  نیاتکیْ  تو

دل په  سجّیگی  تلوْسیت  درگل

برتکگیْن  بیران گوْن نیاتکیْ تو

 

مرحوم ظهورشاه هاشمی

لـﮄوکیْن پَری / سید هاشمی

کـُلـَّیْ  لڈّوکیْن پری
دل منی په تو زَری
هچّ شرّنگی نـَکـَنت
هانـُلا گوْن همسری
کدّ و بالادا  اَمُلّ
سبزیْن سولیْ جُو سَری
گـُل گوْن بیْ دوچیْن گـُدان
چوْ که تائیدیْ گوْری
گوْن تو دردانگ کنان
بـِشکـُن اَرزاں  Normal 0 false false false EN-US X-NONE AR-SA MicrosoftInternetExplorer4 گڈسری
روْچ وشپ گوارِیت گـَمِیْ
هَوْر آس و انگری
سگـّان لالـَیْ هاترا
درد و دوران آ سری
نیست توجیلـِّیْ سَید
بیْ دوایـِنت نادری

دنیا

دنیا

جـی شهـر کشورانی عجب زیمِـلـیْن کـُلـی

 ◄زیملیْن/zehmel/: ریتم،نمونه،نوع آواز

چـِست کـَن چـوْ  بینـوایان  فـَریاد  بُـلبُـلـی

آ  کنڈگان  یَـله کـَن و آ  گـُرُمبَگان  مَجَـن

◄گرمبگ/gorombag/: خنده با صدای بلند،قهقهه

شـُت  آ  زمان،  موسم  و  شادانی و گـُلی

سر کـُت سمومی گوْات و نهیْبانی صرصرا

در ادامه مطلب ...

ادامه نوشته

روز شادی/شعر از شهبیک

گـَـلـَـیْ روْچـِنـْت/شهبیک

مـروْچی شـادی و گـَلـَیْ روْچـِنت

مـروْچی ناچـی و گـُلـَیْ روْچـِنت

گـَــمـانـا چَـنــﮄِت وَتــیِّ دلـانــــی

مَـروْچی زنـدگـیْن دلـَیْ روْچـِنت

شـَرابـا نـوْش کن و رنجا درکـَش

مـروْچی عاشکیْن سریْ روْچـِنت

گـُلانـا جَــم کـَن و وتــا سیـنـگـار

مَـروْچی ادلـَسـیْن گـُدَی روْچـِنت

شـَمانـا روک کـَن آ مـجـلـسـانـی

مـروْچی نِـندَگ وشـَلـَیْ روْچـِنت

رپـیـکـا یـاد کـَن وتــی شهـبیْک

مـروْچـی هـال و هـَلـَیْ روْچـِنت

چهبار،05/07/91شمسی

عید کـُربانا په شما مکـّهی ماتان و واجهین براتان وشاتک گوشن...

پرشتگان زار جتگ

شیْر چه سیدظهورشاه هاشمی

پرشتگان زار جتگ

دوشـی هاوندَیْ درا  پرشتگاں زار جَـتـَگ

که تـُرسیـْن تِرانگـیـا‏ واهگیْ امـبـار جتگ

در ادامه...

ادامه نوشته

گم منی بازنت

گم منی بازنت    gam manī bāzant

گـَم مـَنی بازنت نیْ مَنا گـَمـوارgam manī bāzant  nëh manā gamvār

دل منی موْچـِنت په تئی دیدارdel manī möwčent  pa tahī dīdār 

ییْ منی اَرسَنت چوْ بَشی هوْرانye manī arsant čöw bašī hovrān        

در ادامه مطلب بخوانید...
ادامه نوشته

شعری از مقصود مجروح

شیریْ چه مقصود مجروح

زردَیْ هیالان پدرهیْن ارمانـَیْ موسما

پلـیْ گـُلابـیْ سمبَهیْن ملگۏرَیْ تـوشـما

                        په چرپیْن لـُنکـَهیْ وتی سودا چۏن جن آ

                    سرگۏز کدی نه بان چه وتی ﮄیهـَیْ من گما

زانان نوابیْن اکبَریْ تاوان نـَهـِن هـون

جهدیْ چراگِیْ رۏکـِنت هزار رنگ و دروشـُما

                          پـِگرَیْ گیابا در کـَپ آ سیل و سوادیـا

                     نازیْنک کپوْتی سر کـَنت کرنیگیْن مـوسما

بانوْریْن ماه گۏرا کنت جنوْزامی ادلسا

سرکشـیْ که جهانا دریگـَیْ چه توشما

                  تاواننت عمرَیْ رۏچ منی عشقـَیْ تیاب دپان

                         کرکیْنکـَیْ په شوهازا فقیرانی تـورما

شعر هانی و شی مرید2

شیْر هانی وشی مرید (دومی دپتر)

نین بگۏشتگ شی مرید:

♠ بـِیا که بیایاتـَه مَکـَهی وَش گوْاتیْن کـُلی

                                       اُ کـَپوْت کـوکـویان کـَنـَه مـِثـل بُـلبـُلی

♠ تو ناله مـان شـَپْ دِرَنـْگی سَـریْ سبزیْن سُمبُلی

                                بَـلـه په تـی دیوانا جَمَـنت وش لـَبـزیْن کـُلی

♠ کـَنـْﮄ َگ و گـَلـنازی تـَرا زِیـْبَـنت هَـمبَلی

                                      په مَـنی لاپـا آس بَـنت داگ تـُروکُـلی

♠ آ هَـما وَشـتـامـیْن دپا جۏرَنت کُچـَّلی

                                    پَـر منی روْتان ﮄَلـَنت چـۏ تـیر گـۏﮄَلی

♠ نیْست چۏشِیْن کس که بارت منی رازان اِمبَری

                                   پَـر مـنی وابـا آتـکـَگـَنت لـُﮄۏکـیْن پَـری

♠ هَـما سیبیَـه راج و گـُهـارانی راز وسومَـری

                                   هما هانی و دینارا جَـنک گـَنجیْن ﮄاﮄرَی

♠هما زانَگ و پَـهم واَکـل هَـما میـریْن چاکریْ

                                   گـُڗا هَما وادَه وپَـند هما شیـْربیمیْن نـَرَیْ

♠گـُڗا وادَه و مَکـرانی گـُهار بی بی گۏهَـرَیْ

                          گِـندَیْ جاڗویَه بَچَیْ قـَتل کـَنگ تـیْزیْـن حَـنجَرَیْ

♠گِـندَی هَـیَْبَتان بی بَگرَی بَـرَگ جُگـیْن هُشتِرَیْ

                       گـُﮄا چَنگ جَن وﮄ َمـبانی هما سعیت ̈طـَگیْن ناشـَرَیْ

♠ گـُـﮄا آ مَـنی جـِشتـارَیْ بَـرَگ سـِدک و زاهِـرَیْ

                            گۏشتی یـِیْ هَـبَـر پۏلینگِنت مَنـا رۏچِ مَحشـَرَیْ

♠ آ شـَگـان یـِرَنت پَـرمَـنـا دیـنـار دَهــتـَریْ

                                اُ مَکـَهی تـیْـز بالـیْن کـَپوْت کـوکـویـان بـِدار

♠ یـِیْ لـَبـز تهی وَشـَّنت که تو کـَنـَیْ کـوکار و توار

                              بَـلـه تـو چَـکـَّا تـَرِّیْـن مَـنی بـالادا شـَـر بـِچــار

♠ که زَگـْرَگیْن هـوْنـَنت کـایَـنت منی چَمان بیْ شمار

                                 آ حُـمـرانـی کـَـدَهـیْن دیـدوْکـَنت مَـنی تـهــار

♠ چـَم مـنی کـۏرَنت که رَستـَگـَنت منی دَستا شکار

                                    تـو مَـنی رازانـی حَـکـیکـَتـان گـۏش بـِدار

♠ تـو نـَنـِدَ مَـنی راستـی نـیْمَگـا گـِر تـو کـَرار

                                 گـۏشـا مَـنی پَـیْگـام گـُلـَیْ گـَپان گـۏش بـِـدار

♠ گـڗا بـا هُدا چـار تـو مَکـَن موْلِـشتُ مَــدار

                                       بُـرزیْـن آزمـانـا شَهـپَـریْن بـالانـا شـَهـار

♠ اُ مُـرگ تـو مـَیَـا جَهلا که زری نـَمبان به دُچار

                                   بانـزُلِت پُلـَنت و رَوَنت دَستِـت گـیـْگ و وار

♠ مُـرگ یـِیْ نـَمـبـان رَد  دَی شهـپَـریْن بالانـا شـَهـار

                                        پـَر تـَهی دیـما کـَیْت بـاگـیْـن مَـلگـــزار

♠ ﮄاﮄری کــۏ̈ط مـاری و مـاتـبَـنـدی حـســار

                           هر صبـاح گـُڗا تـیـری درچـِنت مـاهـیْن چـم خـُمار

♠ تـو مَـنی دوْسـتا گـۏن هَـمی رُمـبا شـَر بـِچـار

                             گـۏن نـَهـَنت هَـما کـاﮄانـی گـِچـینیگـیْن دَسگـُهـار

♠ اِیُـک و تـَنهـایـا وَت .....

                                  آ هَــلارکـانی کـوکـُریْن لـوهیْـن گـۏم مَهــار

♠نـِنـْدَی مُـرگ په دیـْما تـو بکن منی مَهلـِینجـا دُچـار

                             آ طـلاهـیْن چُـمبــان پـه گـُلیْ سَـرجـیگـان شـَهـار

♠ چـه اَنـارکـان اَرسـان بـِگـِر مُـرگ هُــشیـار

                                      چُـست و اِشـتـاپـا په مـَنِـه زوتـیگـا بـِیـار

منـَّه وارَن...

شعر ایوب ایوبی

شعری از استاد ایوب ایوبی بلۏچی زبانیْ زندگ کنوْک و زندگ داروْک.

بُنْگِـڃـجْ

    1)مَــنْ کـَنُنْ بُـنْگِـڃجْ نامِ اَللّها

                                    مَـنْ دَیُـنْ مَـر̊چی وامِ اَلـلـّها

2 ) بِـڃ تَهی ناما دل، غم و دردِن

                              سَکْ مُلورِن گُلْ؛ بِـڃ تَرا زَرْدِن!

3 ) چَمْ نَـگِنْدّی تیّ لذّت و تاما

                               دَپْ نَچُکّی تیّ وَشْ لـَـبِڃـن ناما

ادامه نوشته

شعر هانی و شی مرید

شیْر هانی و شیْ مرید (دفتر اول)

چۏبگۏشتگ هانی دینار:

♣شوم هما رۏچ که پر منی واستا آتکگت

                        چاکر شیهک چه شکاران برگشتگت

♣آ هَـلا هوْش زیادهیْن  تــونا  زرتگت

                        پَـر مَـنی آریـپیْـن پـِتـَیْ لۏگا آتکگت

♣مـاری په کـُلانی کـَنِکِـیا دیستـَگـَت

                     رَهـرَیـِن بۏری گۏ رکابیگان داشتـَگت

♣پَـرمَـنی نـازانی سَـرا توْاری پـِرکـُتـَگ

                بـِزان زیاده تـونیگـَنت کمُکِیْ آپی لۏ ̈طِتگ

♣گـڗا چۏ مَـنی پـِکرانی هَیالاتا کارکـُتـَگ

                  گـُڗا کـدَهِیْ تاسـِیْ مَـن چه آپـا پُـر کـُتـَگ

♣پیشـُکی تاکِیْ سِستـَگ مان آپانی سَرا یـِرکتگ

                  آپی مَنی گِپتـَنت په دَپا گِیْگ وگۏر کـُتگ

♣چَمِّی په هما پیشا کـَپتگ هَنچۏ هُپ کـُتگ

                  آپی وارتـَگ و په مَـڗاگاهی هۏش کـُتگ

♣نون مَـنا شـَری سَـرا جُـستا پَـچ  کـُتگ

                     آ مَـنی ناگانی سرو دیْمی درست کتگ

♣آ نـَهـِیْـبـانی مَـرکـَبا مَیـدان گـۏاز کتگ

                  ﮄاﮄریْ ماتـبَنـدی حِصاریْن بُرجان شـُتـَگ

♣گـڗا آ شپا دراهیْن نشتَگ و فکری سونچـِتگ

                  گـڗا هما صحبا شومیْن سازیْنی لۏ ̈طتگ

♣آ مَـنی هـالـی هَــرَّگـیْـن ﮄِیْـکـا داتـَگـَنت

               نون زیادَهیْن لـَبیْ و مَلامی هان پَرمایْتـَکت

♣گـڗا پَرمَـنی آریپَیْ گِدامی هان ره داتگت

                 گـڗا یـِیْ سازیْن گۏ وتّ و کیـ̈طیْ نشتگت

♣هر کجا جاه محرمیْن جاهَـی جست کتگ

                 چۏ هما کـُلی درمگۏریْن سیادان گۏشتگت

♣آ هانی دینار گۏ مریدا هان پیوستگت

                       سَـاسَتـا بوسیری گۏن داچـی گپتگنت

♣گـڗا آ مریدا په شادهیْ رۏچیْ بُـرتگنت

                     نون هـانیَ آریپیْن پت و مـاتی داتگنت

♣سازیْن په ناکامی دِلِـیْ پـادَتک چه دا

                       پاد گران بوتگ په هـانی پُـلانی ردا

♣گپتی منی دستا برتگی جاهیْ اندرا

                         بیا تـَرا دیَن من سوجـِیْ شرِّیْن ترا

♣تو بـِل مـریدا بیا بـِگـر میریْن چاکرا

              آ قومَـیْ سردارنت چهل هزار راجَیْ کـُنگرا

♣نامی مشهورنت پَرهمُک کنـﮄو کشورا

                    چۏ جواب گردینتگ هما ماه درمگۏرا

♣یـِیْ هبر پۏلینگنت په منا رۏچ محشـَرا

                     زیادهیْن پۏلینگ کـَپنت راجـانی سَـرا

♣تو بدار وتیّ گـَپا ،چه مَــنی کـُلا درا

                      نین زیادهیْن آسیْ کپتگ سازیْنی سَرا

♣گۏشتی اُ هانی وادَهن کوْلِن منا شاهیْن قادرا

                     جنه من چه چهار کنـﮄان یارن سیْهـِرا

♣فکـــر مــن جۏرِینـَن په وتی ّمَـنتـَرا

            من ترا یک بریْ بانوْر کنن گۏن میریْن چاکرا

♣ییْ یادگارنت که یـِر بَنت روز محشرا

                      پانزده رۏچ و پورین ماهیْ گۏستگت

♣چاکر شیهک کوْل گۏ سازینا نشتگت

                   هال همیْ کلیْ مردمان هر جا پرشتگت

اولی دپتر تمام بوت و آ دگه دپتر دیمترا گوشگ بَنت.

شعر چاکر در فتح دهلی

آورد چاکر گۏن شاه دهلی

چاکر شیهک چه هما مزنین سرداران قوم بلوچنت که

آهیا  گۏدهلی شاها جنگ کـُتَگ و دهلی فتح کـُتـَگ.

دلگوش:

♣شما جَم بـِت راج و بَـستـَگـِیْـن پوجــــان

♣شما مان پُرُشان بت چه دور سری موجان

♣شَیْهَکی چــاکـَر گـُـۏن بَسْـتـَگِـیْـن کـَـوْلان

♣گـۏشْـتـَگی راج و هَـمْسَـرِیْـن بـِیْـــلان

♣بـِیَـا رَوِنْ مَــرْچـی دِهْـلِـــیَـیْ سَـــیْـلان

♣چِلْ هَــزار رِنـد و ده هَـــزار راپْـچـی

♣سـی هَــزارْنُـۏهـانی مَــزَنْ زَهْـــمِـیْـن

♣پَـنـجـاه هَــزارْ لاشـاری بُلـنـد شـانِـیْـن

♣چـاکـَری یـِیْ بـِیْ راهـیْـن سَـرا گۏننت

♣هَـر صُباح یـِیْ مِـیـری مَجلِـسـا نِنـْدَنت

♣گـۏن وَتیّ یـِیْ بـراتان مَـصلـَحا بَنـْدَنت

♣وَشْ بُلـنـد بـِیـتـَّگ درجـهـانْ مَـیْ نــام 

♣سَـرْنـَپَـهْـرِیْـزِیـتّ مَـردْوَرِیْـن گـُـهَــرام

♣آتـکـَگَ چـۏ بَـشـانـی رَدیْـن هـــــوْران

♣پَکِــرش گـُـڗا رامِـیْنـَت خـَـر ســواران

♣یَـک و یَـکــــیّـا چــاکـَــرا گـــۏشـتـَنْت

♣بـِیـایـِت مَـنـی راج و پـو̈طـَلِـیْـن رندان

♣یَـک پَـه یـک دانـایـِـن خِـــرَدمَـنــدان

♣مَـحـرَمِـیْــن یـِیْ لـَجّـانـی هُـدا بُـنـْدَنت

♣چــانـْکـه گـۏ شــاهـا گِـلـَـوَت میـران

♣یـِیْ کـوْلِــن مَـنـارا مُـرشِـد و پـیـران

♣مَـن یـِیْ دِهلی نـَقـْشِیْن گۏاتگِرا زیران

♣هَـم مَـن نـَتـَرَن چَـه کـَهچَـرو باگِـیْـن

♣هَم من ویل کتگ نامانی علف گنجیْن

♣هم یـِیْ ماه و مَهلِینج وهمسر دلرنجیْـن

♣هم من هِشتگـَنت ناکام و دلـِیْ رَنجیْـن

♣کـاسِــدِیْ گـُـوَهْــرامـا رَوان داتـَگ

♣دِهْـلِـیَـیْ شـآهـی بـاهَـبَــر کـُرْتـَگ

♣شـاه؛تـَیـار بـِت گـُـۏنْ لـَشکری فَوْجان

♣چـاکـَرا چـۏ بَـشــامـی ردیْــن مَـوْجـان

♣چــۏ جَــواب داتـَگ شـَهَـنـْشـــاهـا

♣چـاکـَر تـو بَـلـۏچـِیَ نِنـد وتیّ جاها

♣تـو شَــرَ پـه سیـبـِییَّ ردیْــن پُــلان

♣نـَیْ که مَـنـی کـۏ̈طـان پادشـاهیگان

♣ چاکـَر مَن تـَیارَن چۏ پیلی گمراها

♣سی هـزار فوج منا گۏنِـنت همراها

♣سی هـزار فوج نِشتـَگ وتـیّ جـاها

♣سی هـزار فـوج منا گۏننت جـنگی

♣آ سی هزار ̈طۏپ نیاستـَگنت رنگی

♣ده هزار چات منی پُـرنت چه سُهرا

♣از طِــلاهـا و اشـــرفـی مُهـــــرا

♣چۏ جواب گـَردیْنت چاکر شـَیخک

♣شـما اِشـکـُنِ یـِیْ پَـیگـامان نوابَیْگان

♣آ مِنـَگ وسَــﮄان جَـور جَـوابَـیْگـان

♣مَـند وگـَم بـِیْ راهـیْـن سَـروپـوْ̈طـان

♣چـۏ ̈طـا گـۏ زرزیــرا بَـروْکِـیْـنـا

♣گـُهـرام گـۏن سِـیه گـۏتـا رَوْکِـیْـنا

♣بَـکـِر گـۏن تـیْگـا جُهـل تـَروْکِـیْـنا

♣چاکـَر گـۏن مِـصـریـا چَـروْکِـیْـنا

♣مـیـران گۏن زیْـن ووشرَیـِن هارا

♣شوْر کـُتـَگ یـِیْ رندی بارگِیْن بوْرا

♣هان ییْ دِهلی نـَزآتکَ زادهیْن زوران

♣بـۏران هَـر نِـیْـمَگ داتـَگَ جَـلـوَان

♣رتـْکـَگـَنت یـِیْ زهم و تـَرهتکَگ بَلان

♣ژَپَـگ یـِیْ کِـشمیـری لـوڗیْـن بـِیـران

♣یـِیْ تِـیْگـَیْ دم بَـرشـانا شـُتـَنت مِیْـنـان

♣پَـربـِهـان نـانـی پَـربـِهـیْـن وَنـگـان

♣گـُڗا گِـپتـَنت ورنایان لـَلـَهیْـن جـانان

♣شـه چه یـِیْ احـوالان سَـهیگ بوتَگ

♣چـه هـما پـِیْـشـی بُـگمَهـان چَلـتـَگ

♣چـاکـَرا آزمـودَگ کـَنـَن بَهـتـَک

♣یـِیْ زَهر کـَنی شاه چه تختا اِیرکپتگ

♣یی چاکـر په ناکامی پَـدا پُـرُشـْتـَگ

♣رندان هان وتیّ جۏن و لاشـَهِ زُرتگ

♣دیـم پَه هـما سـیـبیّـا پَـدا گـَشتـَنت

♣چاکـرا گۏشتـَگ پـو̈طـَلیْـن رنـدان

♣شـَر بـِچارت مَـنی نِـظَر کونـ̈طِـنْت

♣شـَر بـِچـارت کـَیْ اِدا گـۏن نـَهـِنت

♣ چۏ جواب داتـَگ لـَشکـَری مَـردان

♣بانـَلی گۏن نـَهـِنت گۏن دوسـَد سواران

♣بانـَلی گۏن نهـنت گۏن شِپیْـن سُهـران

♣گـۏش گـُنا گـَنگـاری شِـپیْـن مُهــران

♣پـادگـُنـا یـِیْ پـِرَهکـَنـﮄِیْـن کـَﮄُلـیـان

♣گـۏن نـَهـِنت هـوتـِیْـن بَکِـرَیْ رامیْن

♣گـُڗا مِـیران په تاراجی پدا گشتـَگ

دکال

هیچانی ڈکال

۩دلگــوْش بـِکـَنِ رَپـِیـک ویــار   

                             پـه دِلــجَـمی گــوْشــان بـِـدار

۩مان هـیچـانـی مُـلـک و دَیــار

                          کـَپْتـَگ (پَه) یکـْبَر ڈکال ونـَگـوْار

۩هــوْش چَـه سَـرا بـوتـَگ گـار

                       دِهـکـان ومـالـدارگِـریـْتـَگ په زار

۩چُنت سـالا نـَرتکَ تـِرَمْپـِیْ هـار

                        هـُشک بوتنت تـَمام کـَهـن وآپـشـار

۩نـَمانـْتـَگ مه جـوْیـان جـوْسَـلار

                      نـَهـشـکـُت مـان جـوُیـا بُگـَلـَیْ تـَوار

۩هُـشک بـوت کوْهَیْ درچک ودار

                       نـَمانـْتـَگ په سـولاها زوم و مــار

۩مـچ ونـَخـیـلات بـوتـَنت پَـــلار

                        نـَمانـتـَگ زَمـیـنـا چُـنـڈِیْ کـِشـار

۩سَـبــزیْـن کـَلات و مَــلـگـــزار

                            آ بـاگ و بُـسـتـان ولالــه زار

۩نـَمـانـتـَگ پـه دِرچـکـان  بــار

                              آ اَمـب ولــیمـبـوْر وهَـنــــار

۩آ بَـسـتـَگـیْـن بَـنــد و حِـســار

                        هُـشـکِـت مـه سـیـه گـۏات ولـَوار

۩هـُشکِـت چـِشـمَگ و کـَنـڈ وکـَلار

                           نـَمـانـتـَگ نـَمـبَـگ چـِیْـرِ تـَلار

۩بـِرَپـْتـَنـت وَشـتـَواریْــن کـُـلــی

                         کــوکــو گــوْشـُکِـیْــن شـانـتـُلـی

۩گـار بـوت نـالـَــگ بـُلـبـُلــی

                          دَرشــان بـِکـَنـت دَردان دِلـــی

۩ﮄکــال آتــکَ بـِیْ مَـهـتـَلــی

                          دَسـتـا نـَیـاتـْک هـچ حـاصِـلـی

۩سَـبـزیْـن کـَپـوْت و شـاتـُلـی

                            پـه مـا  نـَجَـنـتِـنت دو نـَـلــی

۩گـَـپــان نـَگـِنــدَن وَژدلـــی

                            ارســان بـِریْــچَ تـُرونـْگـَلــی

۩چَـه بـَیْـنـا نـَروْت مُـشـکِـلـی

                          هـوْر کـه نـَگـُواریـت موْسـمی

۩مـَردم نـَنِـدَنـت په دِلـجَـمــی

                        وهـدیْ که هَـسـتِـنـت بـاز کـَمـی

۩هـوْران نـَگـوارَنـت اِمـبَـری

                           ابـــران  نـَگِـنـدَن جَـمـبَــری

۩چـَه بَـیـْنـا شـُتـَنـْت مَـیْـزَران

                           آ وَشـبـوی و آسُـمــی گـُــلان

۩چـه  ڈکـالـَیْ بـازیْــن گـَمــان

                             چـه گـَـپـَّا لِــل بـِیـت زَبـــان

۩مُــرگِـیْ نـَگِـنـدَن پَــرپـَـران

                           سِـیْـسـِیگ و کـَبـگـی لـُڈگــان

۩مالـدار گون گـَنجـِیْـن بُـزگـَلان

                           گـوک و گـامِـیـْش وبـاهَــران

۩هُـشتِـر گـون بَگ ولِـیْـڈیــان

                          نـَگِـنـدِیت پـِ̈ٹـِّیْ شـیـروشـَلان

 ۩دَلـوت تـَمـامـیْـن مُـرتـَگـَنت

                          ڈوْک چـه بَـنـدان رِتـکـَگـَـنت

۩هُـشـکـیْـن دِرَچـکـان سُتکـَگـَنت

                          سَـبـزی چـه بَـیـنـا رَپـْتـَگـَـنت

۩ایـْشِـنـْت ڈُکــالـانِـی اثــر

                          پـِـروْشـیـت اِنـســانــیْ کـَـمَــر

۩نـَمـانِـیـت پـه دِرَچـکـان بَــر

                          پـه کِـشـت و کِـشـاران ثـَمـــر

۩یا ربّ تـَه رحـم کـَن مئْ سَـرا

                            هـَـوْرانْ بـِگـواریْــن اِمـبَــرا

۩سَـبـز کـَن تـَمـامیْـن کـَهچَــرا

                              چـَه آ وَتــیّ گـَنـجـِیْــن درا

۩دعـایـا بـِکـَن تـو مـُسـتـَجـاب

                             هـَنــو بـِـدَیْ پَـه مَـن جَـواب

۩نـَمـانـتـَگ په شـَهبـِیکا واب

                          چـَه ڈکـالا دل بـُوتـَگ کـَبـاب

هیچان،20/03/91شمسی

شعری دیگر از کریمداد کزوری

ســــاڑا کریمداد کزوری 

ای هُــدا مـن هـر گـوْرا چـاران تـَیَــه

                             مــان زمـیـن ومــاه واسـتــاران تـَیـَـه

نـا امـیْت چه تـَئی دَرا کـَسِـیْ نـَروْت

اوس                             ـت وامـیْت په امیْـت واران تـَیَــه

چه گـُناهان سـِریْـن مَئ چنگ ترِّتـَگ

                               دسـتـْگـیـر وت مـا گـُنـَهکـاران تـَیَـه

سَرلکوْشکِـنت دل پلاس وسیه جـکـنت

                            نـیْـست طـبـیب،په چوْشیْـن بیماران تـَیَه

نِـئ نماز سـلک و جـوانیْـن  روْچـَگیْ

                              پـمّـا هـچ نـیْـست رحمـتِ بـاران تـَیَـه

چَـنگ وچـوْٹان که سُرُپِ بارون جتگ

                             سـارتیْـن سـاهگ په گِـران بـاران تـَیَـه

ای هُــدا  اِیْ بَـنـدَهـا  رُســوا  مَکـَـن

                            پَــرده پـوْش په نـَقصـیْـن بَـدکـاران تـَیَـه

ای هُــدا لـوْٹان  چه شـَیـطـانـا پَـنــاه

                               کـَس دِگـه نـیْـست په گِـرفـتـاران تـَیَـه

ای هُــدا  گـَرکـان  گـُنــاهـانـی زَرا

                              نـیْـسـت مـددگـار،بـیْ مـددگـاران تـَیَـه

بَـکــش  کـَزوریـا  وتــیّ  غـَفـّاریــا

                             نیـْسـت دگـه بَـکـْشـوْک،خـَطـاران تـَیَه

Normal 0 false false false EN-US X-NONE AR-SA /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-parent:""; mso-padding-alt:0cm 5.4pt 0cm 5.4pt; mso-para-margin-top:0cm; mso-para-margin-right:0cm; mso-para-margin-bottom:10.0pt; mso-para-margin-left:0cm; line-height:115%; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-hansi-font-family:Calibri; mso-hansi-theme-font:minor-latin; mso-bidi-language:AR-SA;}